Description
Hunker jy na ’n minder gejaagde, meer skeppende lewe? Waar jy nader aan die aarde lewe; miskien ’n bietjie boer op jou werf; met ’n groentetuin en ’n paar hoenders sodat jy elke oggend warm eiers uit ’n nes kan haal…
Jy is nie alleen nie. Regoor die wêreld is daar ’n kollektiewe wete dat ons anders sal móét begin lewe. Vir ons eie geestesgesondheid én die aarde se voortbestaan.
Die groot vraag: Waar en hoe begin ’n mens? Daar is ’n oorvloed inligting op die internet en sosiale media. En dís waar Eenvoud jou lewe vergemaklik. Ons het deur die geraas gesif en die beste volhoubare idees saamgevat; in Afrikaans.
